வரலாறு படைக்கும் முனைப்பில் வங்கதேச கிரிக்கெட் அணி/ராவல்பிண்டி, பாகிஸ்தான்

வங்கதேசத்திற்கு எதிரான 2வது டெஸ்ட் போட்டியின் 2வது இன்னிங்சில் பாகிஸ்தான் 172 ரன்களுக்கு சுருண்டது. ராவல்பிண்டியில் நடைபெற்றுவரும் இந்தப் போட்டியில் முதல் இன்னிங்சில் பாகிஸ்தான் 274 ரன்களும் வங்கதேசம் 262 ரன்களும் எடுத்தன. 2வது இன்னிங்சில் பாகிஸ்தான் 172 ரன்களுக்கு ஆல்-அவுட் ஆனது. 185 ரன்கள் என்ற இலக்கை நோக்கி ஆடிய வங்கதேசம் 4ம் நாள் ஆட்டமுடிவில் விக்கெட் இழப்பின்றி 42 ரன்கள் எடுத்துள்ளது. இன்று நடைபெறும் கடைசி நாள் ஆட்டத்தில் வங்கதேசம் வெற்றி பெற 143 ரன்கள் தேவைப்படுகிறது.