பாகிஸ்தானை வீழ்த்தி வரலாறு படைத்த வங்கதேசம்

பாகிஸ்தானுக்கு எதிரான முதல் டெஸ்ட் போட்டியில் வங்கதேசம் 10 விக்கெட் வித்தியாசத்தில் அபார வெற்றி பெற்று வரலாறு படைத்தது.

பாகிஸ்தானின் ராவல்பிண்டி நகரில் நடைபெற்ற இந்தப் போட்டியின் முதல் இன்னிங்சில் பாகிஸ்தான் 448 ரன்களும் வங்கதேசம் 565 ரன்களும் எடுத்தன. முதல் இன்னிங்சில் வங்கதேச வீரர் முஷ்பிகுர் ரஹீம் 191 ரன்கள் குவித்து அசத்தினார். தொடர்ந்து இரண்டாவது இன்னிங்சில் ஆடிய பாகிஸ்தான் வங்கதேச சுழற்பந்துவீச்சை சமாளிக்க முடியாமல் 146 ரன்களுக்கு சுருண்டது. வங்கதேச ஸ்பின்னர் மெஹிதி ஹசன் மிராஸ் 4 விக்கெட்டுகளையும், ஷகிப் அல் ஹசன் 3 விக்கெட்டுகளையும் வீழ்த்தினர். தொடர்ந்து 30 ரன்கள் என்ற எளிய இலக்கை நோக்கி ஆடிய வங்கதேசம் 7வது ஓவரில் இலக்கை எட்டியது. இதன்மூலம் டெஸ்ட் கிரிக்கெட்டில் பாகிஸ்தானை முதல் முறையாக வங்கதேசம் வீழ்த்தியுள்ளது.