கொழும்புவில் நடந்த போட்டியில் டாஸ் வென்று பேட்டிங் செய்த இலங்கை அணி, 50 ஓவர்களில் 8 விக்கெட்டுகள் இழப்புக்கு 230 ரன்கள் எடுத்தது. இலங்கையில் அதிகபட்சமாக துனித் வெல்லாலகே 67 ரன்களும், பதும் நிசங்கா 56 ரன்களும் எடுத்தனர். இந்திய அணி தரப்பில் அர்ஷ்தீப் சிங், அக்சர் படேல் ஆகியோர் தலா 2 விக்கெட்டுகளை வீழ்த்தினர். தொடர்ந்து இந்திய அணி பேட் செய்த நிலையில், தொடக்க வீரர்களான கேப்டன் ரோகித் சர்மா மற்றும் சுப்மன் கில் ஜோடி, முதல் விக்கெட்டுக்கு 75 ரன்கள் சேர்த்தது. ஆனால் பின்பு வந்த வீரர்கள் சீரான இடைவெளியில் அவுட்டான நிலையில், இந்திய அணியும் 230 ரன்களுக்கு ஆட்டமிழந்தது. இதனால் ஆட்டம் வெற்றி தோல்வியின்றி டையில் முடிவடைந்தது. இந்திய அணியில் அதிகபட்சமாக ரோகித் சர்மா 58 ரன்களும், அக்சர் படேல் 33 ரன்களும் எடுத்தனர். சூப்பர் ஓவர் இல்லை என்று அறிவிக்கப்பட்டதால் இந்த போட்டி டையில் முடிந்ததாக அதிகாரப்பூர்வமாக அறிவிக்கப்பட்டது.