மாரியப்பன் தங்கவேலுவுக்கு குவியும் வாழ்த்துகள்
டோக்கியோ பாராலிம்பிக் போட்டியில் வெள்ளிப் பதக்கம் வென்றுள்ள தமிழக வீரர் மாரியப்பன் தங்கவேலுவுக்கு குடியரசுத் தலைவர், பிரதமர் மற்றும் மத்திய அமைச்சர்கள் உள்பட பல்வேறு தலைவர்கள் வாழ்த்து தெரிவித்துள்ளனர்.
டோக்கியோ பாராலிம்பிக் போட்டியில் வெள்ளிப் பதக்கம் வென்றுள்ள தமிழக வீரர் மாரியப்பன் தங்கவேலுவுக்கு குடியரசுத் தலைவர், பிரதமர் மற்றும் மத்திய அமைச்சர்கள் உள்பட பல்வேறு தலைவர்கள் வாழ்த்து தெரிவித்துள்ளனர்.
குடியரசுத் தலைவர் ராம் நாத் கோவிந்த் வெளியிட்டுள்ள செய்தியில்,
நமது பாராலிம்பிக் வீரர்கள் தொடர்ந்து நம்மை பெருமையடைய செய்து கொண்டிருக்கிறார்கள் எனவும் மாரியப்பனின் வெற்றியை கண்டு இந்தியா மகிழ்ச்சியடைகிறது எனவும் கூறியுள்ளார்.
குடியரசு துணைத் தலைவர் வெங்கைய நாயுடு வெளியிட்டுள்ள செய்தியில்,
உயரம் தாண்டுதல் பிரிவில் வெள்ளி வென்ற மாரியப்பன் தங்கவேலுவின் சாதனைகளை கண்டு ஒட்டுமொத்த நாடும் பெருமையடைகிறது என்று கூறியுள்ளார்.
பிரதமர் நரேந்திர மோடி வெளியிட்டுள்ள செய்தியில்,
சிறப்பான செயல்திறனுக்கு எடுத்துக்காட்டாக மாரியப்பன் தங்கவேலு திகழ்வதாகவும் அவரது சாதனையைக் கண்டு இந்தியா பெருமையடைகிறது எனவும் கூறியுள்ளார்.
மேலும் தொலைபேசி மூலமாகவும் மாரியப்பனை தொடர்பு கொண்டு பிரதமர் மோடி வாழ்த்துகளை தெரிவித்துள்ளார்.
மத்திய இளைஞர் நலன் மற்றும் விளையாட்டுத் துறை அமைச்சர் அனுராக் தாகூர், மத்திய தகவல் ஒலிபரப்பு துறை இணை அமைச்சர் எல்.முருகன் உள்ளிட்ட மத்திய அமைச்சர்களும், பல்வேறு அரசியல் கட்சி தலைவர்களும் மாரியப்பனுக்கு வாழ்த்துகளை தெரிவித்துள்ளனர்.