"டாஸ்மாக்கை உருவாக்கியவர் ஜெ.தான்".. டி.கே.எஸ். இளங்கோவன் பரபரப்பு பேச்சு

டாஸ்மாக்கை உருவாக்கியவரே ஜெயலலிதா தான் என்றும், மது ஒழிப்பு மாநாட்டில் அதிமுக எப்படி பங்கேற்கும் என்றும், திமுக செய்தி தொடர்பாளர் டி.கே.எஸ் இளங்கோவன் கேள்வி எழுப்பினார். நாமக்கல்லில் திமுக சார்பில் கலைஞர் நூற்றாண்டு நிறைவு விழா கருத்தரங்கம் நடைபெற்றது. இதில் கலந்துகொண்டபின் செய்தியாளர்களிடம் பேசிய டி.கே.எஸ் இளங்கோவன், தொடர் தோல்விகளை சந்தித்து வரும் பாஜகவினரால், திமுக கூட்டணி பற்றி சகித்துக் கொள்ள முடியாமல் வேண்டுமென்றே அவதூறு பரப்பி வருவதாக குற்றம் சாட்டினார். பாஜக ஆளும் மாநிலங்களில் தொடர்ந்து போதைப்பொருட்கள் கடத்தல் சம்பவம் அதிகரித்து வருவதாகவும் தெரிவித்தார்.