"நான் பயோலஜிக்கலாக பிறக்கவில்லை... கடவுள்தான் அனுப்பியுள்ளார்" - வைரலாகும் மோடியின் பேச்சு

தேர்தல் பிரசாரங்களுக்கு மத்தியில் ஆங்கில ஊடகத்திற்கு பேட்டியளித்து பேசியிருக்கும் பிரதமர் மோடி, தான் பயோலஜிக்கலாக பிறக்கவில்லை எனக் கூறியிருக்கிறார். கடவுள்தான் தன்னை பூமிக்கு அனுப்பியிருப்பதாகவும், தான் பெற்றிருக்கும் ஆற்றல் ஒரு சாதாரண மனிதரிடம் இருந்து பெறப்பட்டது கிடையாது என்றும் அவர் தெரிவித்திருக்கிறார். இந்த ஆற்றலை கடவுளால்தான் கொடுக்க முடியும் என்றும், தன்னை பூமிக்கு அனுப்பியதே பரமாத்மாதான் என்றும் கூறியிருக்கிறார். ஏதோ ஒரு விஷயத்தை நடத்தியே தீவிர வேண்டும் என்பதற்காக தன்னை கடவுள் பூமிக்கு அனுப்பியிருப்பதாகவும் கூறியிருக்கிறார். சமீபத்தில் வாரணாசியில் ஆங்கில ஊடகத்திற்கு அவர் அளித்திருக்கும் இந்த பேட்டியின் கிளிப் இணையதளங்களில் வேகமாக பரவி வருகிறது. சமீபத்தில் புரி ஜகந்நாதர் மோடியின் பக்தர் என பாஜக தேசிய செய்தி தொடர்பாளர் சம்பித் பத்ரா பேசியது பெரும் சர்ச்சையை ஏற்படுத்தியிருந்தது. அவர் மன்னிப்பு கேட்டாலும் எதிர்க்கட்சிகள் கண்டனம் தெரிவிக்கும் வேளையில், மோடியின் பேட்டியும் வேகமாக பரவி வருகிறது.