பாஜகவின் மத்திய தேர்தல் குழு கூட்டம் இன்று நடைபெற உள்ளதாக அறிவிக்கப்பட்டுள்ளது.
மக்களவைத் தேர்தலுக்கான முதற்கட்ட வேட்பாளர் பட்டியல், சில நாட்களுக்கு முன்பு பாஜக தரப்பில் அறிவிக்கப்பட்டிருந்தது. இரண்டாம் பட்டியல் எப்போது வெளியாகும் என எதிர்பார்ப்பு தொடங்கிய நிலையில், நேற்று நடைபெறவிருந்த பாஜகவின் மத்திய தேர்தல் குழுக் கூட்டம் ஒத்திவைக்கப்பட்டுள்ளது. இப்போது இந்த கூட்டம் இன்று மார்ச் 11 திங்கட்கிழமை மாலை 6 மணிக்கு நடைபெற உள்ளதாக தகவல் வெளியாகி உள்ளது. இந்தக் கூட்டத்தில் இரண்டாவது பட்டியலுக்கு ஒப்புதல் அளிக்கப்படலாம் என்று எதிர்பார்க்கப்படுகிறது. ஹரியானா, குஜராத், தெலுங்கானா, ஆந்திரா, கர்நாடகா உள்ளிட்ட மாநிலங்களில் மக்களவைத் தேர்தலுக்கான வேட்பாளர்களை இறுதி செய்வது குறித்து, விவாதம் நடைபெற உள்ளது.