தேர்தல் முடிவு மாறினால் "பிளான் B"யா? - கேள்விக்கு சட்டென அமித்ஷா கொடுத்த பதில்

"பிளான் B"க்கு அவசியமே இல்லை... பாஜக பெரும்பான்மையுடன் ஆட்சி அமைக்கும் என மத்திய உள்துறை அமைச்சர் அமித்ஷா உறுதிபட தெரிவித்துள்ளார்....

பாஜக மீண்டும் ஆட்சி அமைத்தால் இந்திய அரசியல் சாசனத்தை மாற்றிவிடும் என்ற எதிர்க்கட்சிகளின் குற்றச்சாட்டு குறித்த கேள்விக்கு நேர்காணல் ஒன்றில் பதில் அளித்த அமித்ஷா, கடந்த 10 ஆண்டுகளாக அரசியல் சாசனத்தை மாற்றுவதற்கு தேவையான அறுதி பெரும்பான்மை இருந்தும் தாங்கள் அரசியல் சாசனத்தை மாற்றவில்லை என தெரிவித்தார்... அதைத் தவறாகப் பயன்படுத்தும் வரலாற்றை இந்திரா காந்தி காலத்தில் காங்கிரஸ் கட்சி செய்ததாக குற்றம் சாட்டினார். ஒருவேளை பாஜகவுக்கு தேவையான இடங்கள் கிடைக்கவில்லை என்றால் பிளான் பி ஏதேனும் பாஜகவிடம் உள்ளதா என்ற கேள்விக்கு பதில் அளித்த அவர், பிளான் பி தேவையில்லை எனவும், பிரதமர் மோடி அறுதி பெரும்பான்மையுடன் ஆட்சிக்கு வருவார் என்ற நம்பிக்கை தனக்கு இருப்பதாகவும் நம்பிக்கை தெரிவித்தார்.