துவங்கியது ஆந்திர மாநில சட்டப்பேரவை 15 வது கூட்டத்தொடர் : ஜெகன்மோகன் ரெட்டி, உள்ளிட்ட 175 எம்.எல்.ஏக்கள் பதவியேற்பு

ஆந்திர மாநில சட்டப்பேரவை கூட்டம், துவங்கிய நிலையில், முதல்வர் ஜெகன்மோகன் ரெட்டி, எதிர்க்கட்சித் தலைவர் சந்திரபாபு நாயுடு உள்ளிட்ட 175 எம்.எல்.ஏ.க்களும் பதவி ஏற்று கொண்டனர். இடைக்கால சபாநாயகர் வெங்கட சின்ன அப்பல் நாயுடு தலைமையில் நடைபெற்ற இந்த கூட்டத்தில், சபாநாயகராக தம்மிநேனி சீதாராம் ஒரு மனதாக தேர்வு செய்யப்பட்டார். இதை தொடர்ந்து 14 ஆம் தேதி காலை சட்டப்பேரவை மற்றும் சட்டமேலவை குறித்து அரசின் திட்டங்களை ஆளுநர் நரசிம்மன் உரையாற்ற உள்ளார். 17ஆம் தேதி ஆளுநர் உரை மீதான விவாதம் நடைபெறுகிறது. இதில் எதிர்க்கட்சியினர் எழுப்பும் கேள்விகளுக்கு முதல்வர் ஜெகன்மோகன் ரெட்டி விளக்கம் அளிக்க உள்ளார்.