ம.பி முதல்வராக பதவியேற்றார் கமல்நாத் : விவசாய கடன் தள்ளுபடி - முதல் உத்தரவு
மத்திய பிரதேச முதலமைச்சராக கமல்நாத் பதவியேற்றுள்ளார்.
மத்திய பிரதேச முதலமைச்சராக கமல்நாத் பதவியேற்றுள்ளார். தலைநகர் போபாலில் நடைபெற்ற எளிய விழாவில், கமல்நாத்துக்கு, ஆளுநர் ஆனந்தி பென் படேல், பதவி பிரமாணமும் ரகசிய காப்பு பிரமாணமும் செய்து வைத்தார்.
தலைவர்கள் பங்கேற்பு :
பதவியேற்பு விழாவில், முன்னாள் பிரதமர்கள் மன்மோகன்சிங், தேவகவுடா , காங்கிரஸ் தலைவர் ராகுல்காந்தி, திமுக தலைவர் மு.க. ஸ்டாலின், கர்நாடக முதலமைச்சர் குமாரசாமி, ஆந்திர முதலமைச்சர் சந்திரபாபு நாயுடு உள்ளிட்ட தலைவர்கள் பங்கேற்றனர். திமுக சார்பில், மாநிலங்களவை உறுப்பினர் கனிமொழி, அக்கட்சியின் முதன்மை செயலாளர் டி.ஆர். பாலு ஆகியோரும் கலந்து கொண்டனர். மத்திய பிரதேச முதலமைச்சராக பதவியேற்றபின், தேர்தல் வாக்குறுதிபடி, விவசாயிகளின் கடன்களை தள்ளுபடி செய்து, கமல்நாத், முதல் உத்தரவில் கையெழுத்து போட்டார்.