யூஜிசி-க்கு பதில் உயர் கல்வி ஆணையம் - அதிமுக எதிர்ப்பு
பல்கலைக்கழக மானியக் குழுவுக்கு பதிலாக உயர் கல்வி ஆணையம் அமைக்கும் மத்திய அரசின் திட்டத்திற்கு மக்களவையில் அதிமுக எதிர்ப்பு தெரிவித்துள்ளது.
நாடாளுமன்ற மக்களவையில் பேசிய அதிமுக உறுப்பினர் தம்பிதுரை, காங்கிரஸ் கட்சி மத்தியில் ஆட்சியில் இருந்தபோது, திட்டமிட்டிருந்த அனைத்தையும் தற்போதைய பாஜக அரசு செயல்படுத்தி வருவதாக குற்றம் சாட்டினார். 'நீட்' தேர்வால் மாநில பாடத் திட்டத்தில் படித்த மாணவர்கள் பாதிப்புக்குள்ளாவதாகவும் தம்பிதுரை தெரிவித்தார். பல்கலைக் கழக மானியக் குழுவுக்கு பதிலாக உயர் கல்வி ஆணையம் அமைக்கும் மத்திய அரசின் திட்டத்தை அதிமுக எதிர்ப்பதாகவும் அவர் குறிப்பிட்டார்.