"அய்யய்யோ.." - திடீரென வந்த புலி-அலறிய பெண்கள் - வெளியான சிசிடிவி காட்சி

கேரளாவில் ஏலக்காய் தோட்டத்தில் பெண் தொழிலாளர்கள் வேலை செய்து கொண்டிருந்தபோது, திடீரென்று புலி வந்ததால் பதறி அடித்துக் கொண்டு ஓடினர். வயநாடு மாவட்டத்தில் உள்ள ஒரு தனியார் ஏலத் தோட்டத்தில் பெண்கள் வேலை செய்து கொண்டிருந்தபோது, மரங்களுக்கு இடையே ஓய்வெடுத்துக் கொண்டிருந்த புலி, திடீரென்று அவர்கள் முன்பு வந்தது. புலியைக் கண்ட அனைவரும் அங்கிருந்து தப்பியோடினர். அவர்களின் சத்தத்தைக் கேட்ட புலி, எஸ்டேட்டின் மற்றொரு பகுதிக்குள் சென்றது. புலி ஓடிச்செல்லும் காட்சி, அங்குள்ள சிசிடிவியில் பதிவாகி உள்ளது. தொழிலாளர்களை அச்சுறுத்தி வரும் புலியை விரைவில் பிடிக்க வேண்டும் என அப்பகுதி மக்கள் கோரிக்கை விடுத்துள்ளனர்.