அரசு பஸ்ஸில் மாணவன், மாணவி செய்த காரியம்.. பார்த்ததும் அதிர்ந்த போலீசார்

கேரளாவில் அரசு பேருந்தில் கஞ்சா கடத்திய கல்லூரி மாணவர் மற்றும் மாணவி ஆகியோர் கைது செய்யப்பட்டனர்.

கேரள மாநிலம் வாளையார் சுங்கச்சாவடி அருகே போலீசாரின் வாகன சோதனை நடைபெற்றது. அப்போது அரசுப் பேருந்தில் வந்த கல்லூரி மாணவர் மற்றும் மாணவி ஆகியோர் கஞ்சா கொண்டு வந்தது தெரியவந்தது. ஒடிசாவில் இருந்து ரயிலில் கோவைக்கு கஞ்சா கொண்டு வந்த இருவரும், கோழிக்கோட்டிற்கு அரசு பேருந்தில் பயணித்தபோது கலால் துறையினரால் பிடிபட்டனர். இருவரையும் கைது செய்த போலீசார், அவர்களிடம் இருந்து 14 கிலோ கஞ்சாவை கைப்பற்றினர். ஆடம்பர வாழ்க்கைக்கு பணம் பெறுவதற்காக கஞ்சா கடத்தியதாக விசாரணையில் வாக்குமூலம் தெரிவித்துள்ளனர். மேலும் இருவருடன் வந்து தப்பிச் சென்ற மற்றொரு நபரையும் போலீசார் தேடி வருகின்றனர்.