பெங்களூர் பன்னார்கட்டா வனப்பகுதியில் மக்னா என்ற காட்டுயனை கடந்த சில மாதங்களாக வனப்பகுதி அருகே உள்ள விவசாய நிலப் பகுதியில் புகுந்து அட்டகாசம் செய்து வந்தது. ஒரு வனக்காவலர் உட்பட மூன்று பேர் இந்த யானையின் தாக்குதலுக்கு உள்ளாகி உயிரிழந்துள்ளனர். இந்நிலையில் பன்னார்கட்டா வனத்துறையினர் மூன்று கும்கி யானைகளின் உதவியுடன் பல நாட்களாக தேடப்பட்டு வந்த காட்டு யானை மக்னாவை வெற்றிகரமாக பிடித்துள்ளனர். இதைத் தொடர்ந்து தற்போது காட்டு யானையை பிடித்த காட்சிகளும், வனத்துறையினரின் வாகனங்கள் மீது அது தாக்குதல் நடத்த முயன்ற காட்சிகளும் வெளியாகி உள்ளன.