துக்க நிகழ்ச்சிக்கு சென்று திரும்பியதும் துடிதுடித்து 5 பேர் பலி - யாருக்கும் நடக்க கூடாத துயரம்

ஆந்திராவில் கார் மீது கண்டெய்னர் லாரி மோதிய விபத்தில் 2 பெண்கள் உட்பட 5 பேர் உயிரிழந்தனர்.ஆந்திர மாநிலம் கடப்பா மாவட்டம் சக்கரப்பேட்டை பகுதியை சேர்ந்த 2 பெண்கள் உட்பட 4 பேர், துக்க நிகழ்வுக்கு சென்றுவிட்டு காரில் திரும்பிக் கொண்டிருந்தனர். வனப்பகுதியில் உள்ள சாலை வளைவில் சென்றபோது பேட்டரிகளை ஏற்றிக்கொண்டு கடப்பா நோக்கி அதிவேகமாக வந்த கண்டெய்னர் லாரி பின்புறமாக மோதியது. பின்னர் கட்டுப்பாட்டை இழந்து 300 அடி ஆழ பள்ளத்தில் கண்டெய்னர் லாரி கவிழ்ந்தது. இதில், காரில் பயணம் செய்த 4 பேரும், லாரி ஓட்டுநரும் சம்பவ இடத்திலேயே உயிரிழந்தனர். தகவல் அறிந்து சம்பவ இடத்திற்கு வந்த போலீசார், பொதுமக்களின் உதவியுடன் காரை அப்புறப்படுத்தி, கேஸ் கட்டர்கள் மூலம் காரில் சிக்கியிருந்த சடலங்களை மீட்டனர். மேலும், கண்டெய்னர் லாரியை பள்ளத்திலிருந்து மீட்கும் பணியிலும் ஈடுபட்டனர்.