சபரிமலையில் மண்டல பூஜை - கோயிலுக்கு ரூ.78.92 கோடி வருவாய்

சபரிமலை ஐயப்பன் கோயிலில் மண்டல பூஜை காலத்தில் 78 கோடியே 92 லட்சம் ரூபாய் வருவாய் கிடைத்துள்ளதாக தேவசம் போர்டு தலைவர் அனந்தகோபன் தெரிவித்துள்ளார். 

அரவணை விற்பனை மூலம் 31 கோடி ரூபாயும், அப்பம் விற்பனை மூலம் 3 கோடியே 52 லட்சமும், காணிக்கை  மூலம் 29 கோடி ரூபாயும், பூஜைகள் மற்றும் இதர வருவாய்  மூலம் 15 கோடியே 40 லட்சம் ரூபாய் கிடைத்துள்ளதாக அவர் தெரிவித்துள்ளார். மேலும், இதுவரை 10 லட்சத்து 35 ஆயிரம் பக்தர்கள் ஐயப்பனை  தரிசனம் செய்துள்ளதாக  தேவசம் போர்டு தலைவர் தெரிவித்துள்ளார்.