துப்பாக்கிகள் மற்றும் வெடிமருந்துகள் அடங்கிய ஆயுதங்கள் பறிமுதல் - பாதுகாப்பு படையினர் அதிரடி

காஷ்மீரில் பாரமுல்லா பகுதியில் துப்பாக்கிகள் மற்றும் வெடிமருந்துகள் அடங்கிய ஆயுதங்களை, பாதுகாப்பு படையினர் மீட்டுள்ளனர்.  யூரி செக்டரில் உள்ள மைதன் நாலாவில் கட்டுப்பாட்டுக் கோட்டு பகுதியில் ராணுவத்தினர் ரோந்து பணியில் ஈடுபட்டிருந்தனர். அப்போது, அங்குள்ள மறைவிடம் ஒன்றில் பதுக்கி வைக்கப்பட்டிருந்த, 3 ஏ.கே 56 ரக துப்பாக்கிகள், 2 பிஸ்டல்கள், வெடிமருந்துகள் உள்ளிட்ட ஆயுதங்களை மீட்கப்பட்டுள்ளதாக, ராணுவ அதிகாரிகள் தெரிவித்துள்ளனர். அதோடு சில பத்திரிகைகளும், பறிமுதல் செய்யப்பட்டுள்ளதாகவும் கூறியுள்ளனர்.