கேரளாவில் கனமழைக்கு இதுவரை 42 பேர் பலி - கேரள முதலமைச்சர் தகவல்

கனமழையால் மீண்டும் கேரளாவின் பல்வேறு மாவட்டங்கள் வெள்ளத்தில் தத்தளித்து வரும் நிலையில், கனமழைக்கு இதுவரை 42 பேர் உயிரிழந்துள்ளதாக அம்மாநில முதலமைச்சர் தெரிவித்துள்ளார். திருவனந்தபுரத்தில் உயர் அதிகாரிகள் மற்றும் அமைச்சர்களுடன் அரசின் தற்போதைய நடவடிக்கைகள் குறித்து ஆலோசனை கூட்டம் நடைபெற்றது. இதில் கலந்து கொண்ட அவர் செய்தியாளர்களை சந்தித்தார். அப்போது வயநாடு மாவட்டத்தில் முன்னெச்சரிக்கை நடவடிக்கையாக ஒரு லட்சத்து 80 ஆயிரம் பேர் மாற்று இடத்தில் தங்கவைக்கப்பட்டுள்ளதாக கூறினார். மாநிலம் முழுவதும் 15 லட்சம் மின் இணைப்புகள் பாதிக்கப்பட்டுள்ள நிலையில், அவற்றை சரி செய்யும் பணியில் மின்துறை ஊழியர்கள் ஈடுபடுத்தப்பட்டுள்ளதாகவும் அவர் தெரிவித்தார்.