பறவை மோதி போர் விமானத்தில் கோளாறு : விமானியின் சாதுர்யத்தால் விபத்து தவிர்ப்பு

அரியானாவில் இந்திய விமானப் படைக்கு சொந்தமான போர் விமானத்தில் பறவை மோதி இஞ்சினில் கோளாறு ஏற்பட்டது., எனினும் விமானியின் சாதுர்யமான செயலால் போர் விமானம் பாதுகாப்பாக தரையிறங்கியது. அம்பாலா விமான படை பயிற்சி முகாமில் போர் விமானிகள் வழக்கம் போல் பயிற்சியில் நேற்று ஈடுபட்டனர். அப்போது ஜாகுவார் ரக போர் விமானத்தில் பறவை மோதியதில், இஞ்சின் தீப் பிடித்து எரிந்தது. இதனையடுத்து சுதாரித்து கொண்ட வீரர், விமானத்தில் இருந்த 2 கூடுதல் எரிப்பொருள் டாங்குகளை கழிற்றிவிட்டு பாதுகாப்பாக விமானத்தை தரையிறக்கினார். விமானத்தில் இருந்து கீழே விழுந்த எரிப்பொருள் டாங்குகள் பயங்கர சத்தத்துடன் வெடித்தது. விமானத்தை பாதுகாப்பாக தரையிறக்கிய விமானிக்கு பாராட்டுக்கள் குவிந்த வண்ணம் உள்ளன.