உயர்கல்வியில் தேசிய அளவில் புதுச்சேரிக்கு 5-வது இடம் : புதுச்சேரி முதலமைச்சர் நாராயணசாமி பெருமிதம்

புதுச்சேரி மாநிலம் அகில இந்திய அளவில் உயர்கல்வியில் ஐந்தாவது இடத்தில் உள்ளதாக முதலமைச்சர் நாராயணசாமி பெருமிதமாக தெரிவித்துள்ளார். இந்தோ - பிரஞ்சு கல்வி தொடர்பான ஆலோசனை  கூட்டம் புதுச்சேரியில் உள்ள தனியார் ஓட்டலில் முதலமைச்சர் நாராயணசாமி தலைமையில் நடைபெற்றது. இந்த கூட்டத்தில் பேசிய முதலமைச்சர் நாராயணசாமி, புதுச்சேரி மாநில அரசு கல்விக்காக அதிக நிதியை ஆண்டுதோறும் ஒதுக்கி வருவதாகவும், இதன் காரணமாக அகில இந்திய அளவில் உயர்கல்வியில் புதுச்சேரி மாநிலம் 5 வது இடத்தில் உள்ளதாக கூறினார்.