மத்தியில் மீண்டும் பாஜக ஆட்சி அமையும் - பிரதமர் நரேந்திரமோடி

மத்தியில் மீண்டும் பாஜக ஆட்சி நிச்சயம் அமையும் என்று பிரதமர் நரேந்திரமோடி நம்பிக்கை தெரிவித்துள்ளார். உத்தர பிரதேச மாநிலம் ஆக்ராவில் நடைபெற்ற கூட்டத்தில் பேசிய அவர்,  மத்தியில் ஆளும் பாஜக அரசின் பல்வேறு திட்டங்களை பட்டியலிட்டார். பொருளாதாரத்தில் பின்தங்கிய மக்களுக்கு 10 சதவீத இட ஒதுக்கீடு வழங்குவது குறித்து விளக்கிய பிரதமர் மோடி, அனைத்து தரப்பினருக்கும் வளர்ச்சி கிடைக்க வேண்டும் என்பதற்காக இந்த மசோதா கொண்டு வரப்பட்டுள்ளதாக தெரிவித்தார். ஊழலுக்கு எதிரான தமது நிலைப்பாட்டில் இருந்து ஒருபோதும் பின்வாங்கப்போவதில்லை என பிரதமர் நரேந்திரமோடி உறுதிபட கூறினார்.