"ரஜினி ரசிகர்களே.. தலைவரு அலப்பறை...".. "தமிழ் சினிமாவில் இல்லாத அளவிற்கு.." -உயர பறந்த கழகு..! புரளும் கோடி..!

ஜெயிலர் திரைப்படம் தமிழ்நாடு முழுவதும் ஒரே நாளில் 25 கோடி ரூபாய் வசூல் ஈட்டியுள்ளது...

நெல்சன் திலிப் குமார் இயக்கத்தில் ரஜினிகாந்த் நடித்த ஜெயிலர் திரைப்படம் நேற்று வெளியாகி வெற்றிகரமாக திரையரங்குகளில் ஓடிக் கொண்டிருக்கிறது... நேற்று ஒரே நாளில் தமிழ்நாடு முழுவதும் இத்திரைப்படம் 25 கோடி ரூபாய் வசூல் செய்து சாதனை படைத்துள்ளதாகத் தெரிவிக்கப்பட்டுள்ளது. அதேபோல் கர்நாடகாவில் 11 கோடியே 85 லட்ச ரூபாய் வசூல் ஈட்டியுள்ளதாகத் தகவல் வெளியாகியுள்ளது. ரஜினிகாந்த் நடித்த கபாலி திரைப்படத்தின் வசூலை விட இது அதிகமாகும். கபாலி திரைப்படம் முதல் நாள் 10 கோடியே 77 லட்சம் ரூபாய் வசூலித்திருந்தது. முதல் நாள் வசூல் வேட்டையில் அஜித்தின் துணிவு திரைப்படத்தை முந்தி முதல் இடத்தில் உள்ளது ஜெயிலர். அடுத்தடுத்து விடுமுறை தினங்கள் என்பதால்

இதுவரை தமிழ் சினிமாவில் இல்லாத அளவிற்கு ஜெயிலர் திரைப்படம் வசூல் வேட்டையில் மிகப்பெரிய சாதனை படைக்கும் என தெரிவிக்கப்பட்டுள்ளது குறிப்பிடத்தக்கது