அந்தமானில் தொடங்கியது சூர்யா44 படப்பிடிப்பு மாறுபட்ட தோற்றத்தில் அசத்தும் நடிகர் சூர்யா

கார்த்திக் சுப்புராஜ் இயக்கத்தில் நடிகர் சூர்யா நடிக்கும் படத்தின் படப்பிடிப்பு அந்தமானில் தொடங்கியது. நடிகர் சூரியாவின் 44வது படமான இத்திரைப்படத்திற்கு சந்தோஷ் நாராயணன் இசையமைக்கிறார். மேலும் சூர்யாவிற்கு ஜோடியாக நடிகை பூஜா ஹெக்டே நடிக்கவுள்ள நிலையில், நடிகர்கள் கருணாகரன், ஜெயராம், மலையாள நடிகர் ஜோஜூ ஜார் உள்ளிட்டோர் முக்கிய கதாபாத்திரத்தில் நடிக்கின்றனர். இந்நிலையில் இயக்குநர் கார்த்திக் சுப்புராஜ் வெளியிட்ட அப்டேட் வீடியோவில், மாறுபட்ட தோற்றத்தில் நடிகர் சூர்யா மிரட்டியிருந்தார்.