மெல்போர்ன் இந்திய திரைப்பட விழா: சிறந்த படமாக "சூரரைப்போற்று" தேர்வு

சுதா கொங்கரா இயக்கத்தில், சூர்யா நடிப்பில் கடந்த ஆண்டு வெளிவந்த திரைப்படம் சூரரைப்போற்று. ஏர் டெக்கான் நிறுவனர் கோபிநாத்தின் வாழ்க்கையை மையமாக வைத்து எடுக்கப்பட்ட இந்த படம் ஓடிடியில் வெளியிடப்பட்டு, ரசிகர்களின் வரவேற்பை பெற்றது. இந்த படம் ஆஸ்கர் விருதின் பொதுப்பிரிவுக்கு தேர்வு செய்யப்பட்ட நிலையில்,  ஆஸ்கர் விருதுக்கு தகுதி பெற்ற 366 படங்களிலும் இடம்பெற்றிருந்தது. ஆனால் இறுதிப் பட்டியலில் இடம் பெறாமல் போனது. இந்நிலையில், 

மெல்போர்னில் நடைபெற்று வரும் இந்திய திரைப்பட விழாவில், இந்தியாவில் இருந்து 26 மொழிகளில் 200க்கும் மேற்பட்ட படங்கள் திரையிடப்பட்டன. இதில் சிறந்த நடிகருக்கான விருது சூர்யாவிற்கும், சிறந்த திரைப்படத்திற்கான விருது சூரரைப்போற்று படத்திற்கும் அறிவிக்கப்பட்டுள்ளது