போர் பயிற்சியில் விபரீதம்...பலியான ராணுவ வீரர்கள்

போர் பயிற்சியில் விபரீதம்...

பலியான ராணுவ வீரர்கள்

விமான விபத்தில் 3 உக்ரைனிய ராணுவ விமானிகள் உயிரிழந்த சம்பவம் அதிர்ச்சியை ஏற்படுத்தியுள்ளது.

தலைநகர் கீவுக்கு மேற்கே 140 கிலோமீட்டர் தொலைவில் அமைந்துள்ள சைட்டோமிர் நகருக்கு அருகே, பயிற்சியின் போது 2 L-39 ரக போர் பயிற்சி விமானங்கள் ஒன்றுடன் ஒன்று மோதிக் கொண்டதில், 3 உக்ரைனிய ராணுவ விமானிகள் பலியானதாக அறிக்கை வெளியிட்டுள்ள உக்ரைன் விமானப்படை, இறந்தவர்களின் குடும்பத்தினருக்கு ஆழ்ந்த இரங்கல் தெரிவித்துள்ளது. அதில் ஒருவர் மிகவும் பிரபலமான "ஜூஸ்" என்ற புனைப்பெயர் கொண்ட விமானி ஆவார். மிக்-29 விமானியான ஜூஸ், போரின் துவக்கத்தில் மத்திய மற்றும் வடக்கு உக்ரைனைப் பாதுகாத்த Ghost Of Kyiv யூனிட்டில் முக்கிய பங்காற்றியவர்... இவருக்கு மதுப்பழக்கம் இல்லை எனவும், மதுவுக்கு பதிலாக எப்போதும் பழச்சாறு மட்டுமே கேட்பதால், "ஜூஸ்" என்ற புனைப்பெயர் வந்ததாகவும் தெரிவிக்கப்பட்டுள்ளது...