வெள்ளத்தில் சிக்கி உயிருக்கு போராடிய முதியவர்.. சூப்பர் ஹீரோ போல் வந்து காப்பாற்றிய ஓட்டுநர்

சீனாவில் கனமழையால் பெருக்கெடுத்து ஓடிய வெள்ளத்தில் சிக்கித் தவித்த முதியவரை பேருந்து ஓட்டுநர் ஒருவர் தைரியமாகக் களமிறங்கி காப்பாற்றிய பரபரப்பான வீடியோ காட்சிகள் வெளியாகியுள்ளன. கிழக்கு சீனாவின் ஷான்டாங் மாகாணத்தில் உள்ள ஜினான் நகரில் கடுமையான வெள்ளத்தில் மூழ்கிய சாலையில் பேருந்தை ஓட்டுநர் ஓட்டிச் சென்ற போது, முதியவர் ஒருவர் வெள்ளத்தில் சிக்கிக் கொண்டதைக் கண்டு அதிர்ந்து, உடனடியாக கீழிறங்கி, முதியவரை மீட்க முயன்றார். ஆனால் சற்று சிரமமாக இருக்கவே, இதைக் கண்ட ஒருசில நல்ல உள்ளங்கள் பேருந்து ஓட்டுநருக்கு உதவிக்கரம் நீட்டி முதியவரை மீட்க உதவினர்.