தமிழக மீனவர்கள் 14 பேருக்கு இலங்கை நீதிமன்றம் போட்ட பரபரப்பு உத்தரவு

புதுக்கோட்டை மாவட்ட மீனவர்கள் 14 பேரை 20ம் தேதி வரை யாழ்ப்பாணம் சிறையில் அடைக்க இலங்கை நீதிமன்றம் உத்தரவிட்டுள்ளது. நெடுந்தீவு அருகே 3 விசைப்படகுகளில் மீன் பிடித்துக் கொண்டிருந்த புதுக்கோட்டை மாவட்டம் ஜெகதாபட்டினத்தை சேர்ந்த மீனவர்கள் 14 பேரை, எல்லை தாண்டி மீன்பிடித்ததாக கூறி, இலங்கை கடற்படை கைது செய்தது. அவர்களை ஊர் காவல்துறை நீதிமன்றத்தில் ஆஜர்படுத்தியபோது, 20ஆம் தேதி சிறையில் அடைக்க இலங்கை நீதிமன்ற நீதிபதி உத்தரவிட்டுள்ளார்.