வானில் வெடித்து சிதறிய வடகொரியாவின் ஒற்றன்.. கிம் ஜாங்கிற்கு விழுந்த அடி

தம் அண்டை நாடுகளை மிரட்டும் வண்ணம் தொடர்ந்து ஏவுகணை சோதனை நடத்தி வரும் வடகொரியாவால் இம்முறை ராக்கெட் மூலம் விண்ணில் செலுத்தப்பட்ட உளவு செயற்கைக்கோள் வெடித்து சிதறியது. எதிர்பாராத தொழில்நுட்பக் கோளாறு காரணமாக ராக்கெட் வெடித்ததாக அந்நாட்டு அரசு தெரிவித்துள்ளது. வடகொரியாவின் இந்த ராக்கெட் ஏவுதலுக்கு ரஷ்யா உதவியதாக தென்கொரிய ஊடகங்கள் செய்தி வெளியிட்டு வருகின்றன. ராக்கெட் ஏவுதலுக்கு முன்பாக பல ரஷ்ய நிபுணர்கள் வடகொரியா சென்றிருந்ததாக அவை கூறுகின்றன.