உலகமே காத்துக்கிடந்த நாள் இன்று... நினைத்ததை நிறைவேற்றும் `மெகா பவர்’? 8-8-8-ன் பேரதிசயம் என்ன?

உலகமே காத்துக்கிடந்த நாள் இன்று... நினைத்ததை நிறைவேற்றும் `மெகா பவர்’? `லயன்ஸ் கேட் போர்டல்’ உண்மையா?

இன்று ஆக்ஸ்ட் 8.. நினைத்ததை நடத்திக்காட்டும் சக்தி இந்த நாளுக்கு உள்ளதாக உலகம் முழுவதும் ஒரு செய்தி பரவிக்கொண்டிருக்கிறது. இதன் பின்னணி குறித்தும், இதுகுறித்து அறிவியலாளர்கள் ஜோதிடர்கள் என்ன கூறுகிறார்கள் என்பது பற்றியும் பின்வரும் தொகுப்பில் பார்க்கலாம்...

உலகம் முழுவதும் டிரெண்டான லயன்ஸ் கேட் போர்டல். கடந்த சில நாட்களாக உலகம் முழுவதும் டிரெண்டிங்கில் உள்ள வாசகம் இது...

சில அயல்நாட்டு ஜோதிடர்கள் கூற்றுப்படி, ஒவ்வொரு ஆண்டும் ஆகஸ்ட் 8ஆம் தேதி இந்த லயன்ஸ் கேட் போர்டல் திறக்கும் என்றும், சிம்மராசியும், சிரியஸ் நட்சத்திரமும், சூரியனும் ஒரே நேர்கோட்டில் இணைவதால் அந்த நாளில் 8 போட்டு கடுமையாக வேண்டினால் நினைத்தது நடக்கும் என்பதும் நம்பிக்கை..

இது 8வது மாதம். இன்று 8ஆம் தேதி. 2024ஆம் ஆண்டின் எண்களை கூட்டினாலும் 8 வருகிறது.. எண் எட்டு,, INFINITY என்ற வடிவத்தையும் கொண்டுள்ளது. ஆதலால் இது சிறப்பான நாள் என இணையம் முழுவதும் பிரசாரங்கள் நிறைந்துள்ளன.

ஆனால், இவ்வளவு புகழும் அளவிற்கு சிறப்பான நாள் இல்லை என கருத்து தெரிவிக்கிறார் ஜோதிட வல்லுநர் ஷெல்வி..

எதுவாக இருந்தாலும், முழு நம்பிக்கையோடு வேண்டி, முயற்சி செய்தால் ஈடேறும் என்கிறார் ராஜநாடி ஜோதிடர் விக்னேஷ்வரி சீனிவாசன்..

இந்த விஷயம் நகைப்புக்குரியது என தமிழ்நாடு அறிவியல் இயக்கத்தை சேர்ந்த தேன்மொழி செல்வி கிண்டலடித்துள்ளார்.

எனினும், இதெல்லாம் உண்மையே இல்லை என ஒற்றை வார்த்தையில் முடித்துவிட்டார் மத்திய அரசின் விக்யான் பிரசார் அமைப்பில் ஆராய்ச்சியாளரான விஞ்ஞானி டி.வி வெங்கடேஸ்வரன்...

ஒருபக்கம் லயன்ஸ் கேட் போர்டல் மீது அதீத நம்பிக்கையுடன் சிலர் இயங்கிக்கொண்டிருக்க, மறுபக்கம் அப்படியெல்லாம் ஒன்றுமே இல்லை என லயன்ஸ் கேட் போர்டலை போட்டு உடைத்துள்ளது விஞ்ஞான உலகம்.....