இஸ்ரேலில் உக்கிரமடையும் போர்... ஏர் இந்தியா சொன்ன அதிர்ச்சி தகவல்

இஸ்ரேலில் ஹமாஸ் அமைப்பினர் நடத்தும் தாக்குதல் எதிரொலியாக, இஸ்ரேலுக்கான விமான சேவையை ஏர் இந்தியா ரத்து செய்துள்ளது. டெல்லியில் இருந்து இஸ்ரேலின் டெல் எவிவ் நகரத்திற்கு புறப்பட இருந்த AI-139 விமானமும், அதேபோல், டெல் எவிவ் நகரத்திலிருந்து டெல்லிக்கு இயக்கப்பட இருந்த AI-140 விமானமும் ரத்து செய்யப்பட்டுள்ளதாக அறிவித்துள்ளது. பயணிகள் மற்றும் தங்கள் பணியாளரின் பாதுகாப்பை கருத்தில் கொண்டு இந்த முடிவு எடுக்கப்பட்டுள்ளதாக ஏர் இந்தியா கூறியுள்ளது. மேலும், பயணிகளுக்கு தேவையான அனைத்து உதவிகளும் வழங்கப்பட்டிருப்பதாகவும் ஏர் இந்தியா தெரிவித்துள்ளது.