லெபனானில் மின்சாரம் முற்றிலும் துண்டிப்பு - இருளில் மூழ்கிய லெபனான்

கடந்த 2 ஆண்டுகளாக லெபனான் கடும் பொருளாதார நெருக்கடியில் சிக்கித் தவித்து வருகிறது. பொருளாதார நெருக்கடியால் அங்கு எரிபொருள் பற்றாக்குறை நீடித்து வருகிறது. இதனால், அங்குள்ள எரிபொருள் நிலையங்களில் மக்கள் நீண்ட வரிசையில் சில மாதங்களுக்கு முன்பு காத்துக் கிடந்தனர். இந்நிலையில், அங்கு மின் உற்பத்தி நிலையங்களை இயக்க போதிய எரிபொருள் இல்லாமல் போனதால் மின் உற்பத்தி நிறுத்தப்பட்டு உள்ளது. இதனால், லெபனான் முழுவதும் மின்சாரம் துண்டிக்கப்பட்டு இருளில் மூழ்கி உள்ளது. சில இடங்களில் டீசல் ஜெனரேட்டர்கள் மூலம் மின்சாரம் உற்பத்தி செய்யப்பட்டும் நிலையில், அங்கு பல நாட்கள், மின் தடை நீடிக்க வாய்ப்பு உள்ளதாக தகவல் வெளியாகி உள்ளது.