ஆப்கனில் இருந்து இந்தியா வருவோர் - அவசர கால மின்னணு விசா அறிமுகம்

ஆப்கானிஸ்தானில் இருந்து இந்தியா வருபவர்களுக்கான விசா கட்டுப்பாடுகளை மத்திய வெளியுறவுத்துறை அமைச்சகம் தளர்த்தி உள்ளது. தலிபான்கள் வசம் சென்றுள்ள ஆப்கனில் அசாதாரண சூழல் நிலவி வருகிறது. அங்கு வசிக்கும் மக்கள் அண்டை நாடுகளில் தஞ்சம் அடைய முயற்சித்து வருகின்றனர். இந்நிலையில், ஆப்கானிஸ்தானில் இருந்து இந்தியா வருபவர்களுக்கு, அவசர கால விசாக்களை மத்திய வெளியுறவு அமைச்சகம் அறிமுகப்படுத்தி உள்ளது. இதன்படி, மின்னணு முறையில் விரைவாக விசா வழங்கப்படும் என்று தெரிவிக்கப்பட்டு உள்ளது.