முடிவுக்கு வந்தது யானைகளின் பயணம் - சொந்த ஊர் திரும்பும் யானைக் கூட்டம்

சீனாவில் 1 ஆண்டு காலமாக கிட்டத்தட்ட ஆயிரத்து 300 கிலோ மீட்டர் பயணம் மேற்கொண்ட யானைக் கூட்டம் தங்கள் சொந்த வசிப்பிடத்திதிற்குத் திரும்புகின்றன. யுனான் மாகாணத்திற்குத் திரும்பும் 14 யானைகள் அடங்கிய கூட்டம், சமீப காலமாக மக்களைக் கவர்ந்து வந்தன. நாடு நகரம் எங்கும் சுற்றித் திரிந்த அந்த யானைக் கூட்டத்தைக் கண்காணிக்கும் பணியில் 25 ஆயிரத்திற்கும் மேற்பட்ட காவல்துறையினர் ஈடுபட்டிருந்தனர். எதற்காக அவை பயணம் மேற்கொண்டன என்பது அறியப்படாத நிலையில், தற்போது அவை தங்கள் வசிப்பிடங்களுக்குத் திரும்புவது அனைவருக்கும் மகிழ்ச்சியை ஏற்படுத்தியுள்ளது.