முகக்கவசம் அணிவதற்கு எதிரான போராட்டம் - ட்விட்டரில் வைரலாகும் வீடியோ

அமெரிக்காவின் டென்னிசி மாநிலத்தில் முகக்கவசத்திற்கு எதிரானவர்களுக்கும், முகக்கவசத்தை ஆதரிப்பவர்களுக்கும் இடையே சச்சரவு ஏற்பட்டது. ஆரம்பப்பள்ளி குழந்தைகள் முகக்கவசம் அணிவது குறித்து வாக்கெடுப்பு நடத்தப்பட்ட நிலையில், அதற்கு எதிர்ப்பு தெரிவித்த போராட்டக்காரர்கள் கண்டனத்தைப் பதிவு செய்தனர். மேலும், மருத்துவர்கள், செவிலியர்கள் உட்பட முக்கவசம் அணிந்தோரைக் குற்றம் சாட்டி பேசினர். 2 தவணை தடுப்பூசிகளைச் செலுத்தியிருந்தாலும், பாதிப்பு அதிகம் உள்ள பகுதிகளில் அமெரிக்கர்கள் முகக்கவசம் அணிய வேண்டும் என்று அறிவுறுத்தப்பட்டது. இந்நிலையில், முகக்கவசம் அணிவதற்கு எதிராக போராட்டங்கள் நடைபெற்று வந்த நிலையில், இரு தரப்பினருக்கும் இடையே நடைபெற்ற சச்சரவு ட்விட்டரில் வைரலாகி வருகிறது.