கடலில் மூழ்கிய கப்பல் - 15 பேர் உயிருடன் மீட்பு

பாகிஸ்தானில் உள்ள கராச்சி நகரில், கடலில் மூழ்கிய கப்பலில் இருந்து 15 பேரை பாகிஸ்தான் கடற்படை அதிகாரிகள் உயிருடன் மீட்டனர். இந்தியாவில் இருந்து சோமாலியாவிற்கு சரக்குகளை ஏற்றிச் சென்ற கப்பல் கடந்த ஜூலை 29ம் தேதி பலத்த காற்று மற்றும் கடுமையான அலைகளின் காரணமாக நீரில் மூழ்கத் துவங்கியது. இந்நிலையில், சிரியாவைச் சேர்ந்த குழுவினர் 18 பேர் கப்பலில் மாட்டிக் கொண்ட நிலையில், அதில் 15 பேர் பாகிஸ்தான் கடற்படை அதிகாரிகளால் பத்திரமாக மீட்கப்பட்டனர். மேலும் காணாமல் போன 3 பேரைத் தேடும் பணிகள் தீவிரப்படுத்தப்பட்டுள்ளன.