வெகுஜன அழிவை நோக்கி உலகம் நகர்ந்து வருகிறது : 16 வயதான பருவநிலை செயற்பாட்டாளரின் சாட்டையடி

நியூயார்க் நகரில் நடைபெற்ற ஐ.நா. பருவநிலை மாநாட்டில், பருவநிலை செயற்பாட்டாளரான 16 வயதான கீரிட்டா தன்பெர்க் பேசும் போது, நீங்கள் எங்கள் கனவுகளை, எங்களுடைய குழந்தை பருவத்தை உங்களுடைய போலியான வார்த்தைகளால் களவாடிவிட்டீர்கள் என குற்றம்சாட்டி உள்ளார். உலகெங்கும் மக்கள் பாதிக்கப்பட்டு, இறந்து வரும் நிலையில், 30 ஆண்டுகளுக்கு முன்பு கொடுத்த வாக்குறுதியை நிறைவேற்றாமல், கண்டும் காணாமல் நடந்து வருகிறீர்கள் என உலக தலைவர்களை பார்த்து சாடியுள்ளார். நாங்கள் உங்களுடைய செயல்களை பார்த்து கொண்டு வருகிறோம், நீங்கள் எங்களை தோல்வி அடைய செய்ய நினைத்தால், நாங்கள் ஒருபோதும் உங்களை மன்னிக்க மாட்டோம் என்பதை இந்த நேரத்தில் தெரிவித்துக் கொள்ள விரும்புகிறேன் எனவும் கீரிட்டா தன்பெர்க் உறுதிபட தெரிவித்தார். பணக்காரர்கள் மற்றும் உலகின் சக்தி வாய்ந்தவர்கள், சுவிட்சர்லாந்து சொகுசு விடுதிகளில் தங்குவது போல இந்த திங்கள்கிழமை, நீங்கள் இங்கு வந்து உள்ளீர்கள் என்று கீரிட்டா தன்பெர்க் கூறிய போது, ஐ.நா. பருவநிலை மாநாட்டு அரங்கத்தில் சிலகணம் ஆழ்ந்த அமைதியும், அதனைத் தொடர்ந்து பலத்த கைதட்டலால் அதிரவும் செய்தது.