ஆப்கானிஸ்தான் : வெடிகுண்டு தாக்குதல் - 13 பேர் பலி, 140 பேர் படுகாயம்

அரசு கட்டிடத்தில் தலிபான் தீவிரவாதிகள் நடத்திய கார்குண்டு தாக்குதலில், 7 பாதுகாப்பு அதிகாரிகள், 6 அப்பாவி பொதுமக்கள் கொல்லப்பட்டனர். மேலும் 140 பேர் காயமடைந்தனர். ஆப்கானிஸ்தானில் போரை முடிவுக்கு கொண்டு வரும் வகையில், கத்தாரில் ஆப்கானிஸ்தான் அரசு அதிகாரிகளுடன் அமைதி  பேச்சுவார்த்தை நடத்த தலீபான் தீவிரவாதிகள் திட்டமிட்டு இருந்தனர். இந்த முயற்சிக்கு தலீபான் தீவிரவாத அமைப்பின் மற்றொரு பிரிவினர் எதிர்ப்பு தெரிவித்து வரும் நிலையில், இந்த தாக்குதல் நடத்தப்பட்டுள்ளது.