வெனிசுலா முழுவதும் 20 மணி நேரம் மின் இணைப்பு துண்டிப்பு

வெனிசுலாவில் நாடு முழுவதும் 20 மணி நேரத்திற்கும் மேலாக மின் இணைப்பு துண்டிக்கப்பட்டுள்ளது. இதனால், மருத்துவமனைகளில் சிகிச்சை அளிக்க முடியாத‌தால், நோயாளிகள் பலரின் உடல் நிலை மோசமடைந்துள்ளது. பேருந்து, ரயில், மெட்ரோ சேவைகளும் முற்றிலும் முடங்கின. கடைகளும், வணிக வளாகங்களும் மூடப்பட்டன.  2012 ஆம் ஆண்டுக்கு பின் மிகப்பெரிய அளவில் ஏற்பட்ட இருட்ட‌டிப்பு இது என்று அந்நாட்டு ஊடகங்கள் தெரிவிக்கின்றன. தற்போது மின் இணைப்பு மீண்டும் வழங்கப்பட்டுள்ளதால் மக்கள் நிம்மதி அடைந்துள்ளனர். பெரும் பொருளாதார சிக்கலில் வெனிசுலா சிக்கி தவிப்பது குறிப்பிடத்தக்கது.