குளிர்கால விளையாட்டுகளுடன் புத்தாண்டு கொண்டாட்டம்: முயல்களுடன் கொஞ்சி விளையாடும் மழலைகள்

புத்தாண்டை கொண்டாடுவதற்காக சீன மக்கள் தங்கள் குடும்பத்தினருடன், ஐஸ் பூங்காவில் குவிந்து வருகின்றனர். தலைநகர் பீஜிங்கில் அமைக்கப்பட்டிருக்கும் 13 ஐஸ் பூங்காக்களில் திரளும் மக்கள், பனிச்சறுக்கு, மோட்டார் வாகனங்களில் உலா வர ஆர்வம் காட்டுகின்றனர். பூங்காவில் குழந்தைகளை கவரும் வண்ணம் ஆயிரக்கணக்கான முயல்கள் இடம்பெற்றன. அவற்றிற்கு கேரட் கொடுத்து மழலைகள் மகிழ்ந்தனர். புத்தாண்டில் சவால்களை எளிதில் எதிர்கொள்ள வேண்டும் என்பதை வலியுறுத்தி, ஐஸ் தண்ணீரில் நீச்சல் போட்டிகள் நடைபெற்றன. மைனஸ் 30 டிகிரி செல்ஸியஸ் குளிரில் வீரர்கள் நீச்சல் அடித்து அசத்தினர்.