"அட ச்ச.. இப்படியா பழி வாங்குவீங்க?" யூடியூபர் செய்த மோசமான செயல் - அதிர்ந்துபோன Followers

விருதுநகர் மாவட்டம் சாத்தூர் பந்தல் கிராமத்தை சேர்ந்தவர் துர்க்கை ராஜ். யூடியூப் சேனல் நடத்தி வரும் இவர், தனது சேனலை பின் தொடரும் பெண்களை தொடர்பு கொண்டு, யூடியூப் சேனல் தொடங்குவது எப்படி? என்பது குறித்து பேசி நெருங்கி பழகி வந்ததாக கூறப்படுகிறது. இதன் மூலம் புதுச்சேரியை சேர்ந்த பெண் யூடியூபர் ஒருவருடன் துர்க்கை ராஜூக்கு பழக்கம் ஏற்படவே, ஒரு கட்டத்தில் இருவரும் கருத்து வேறுபாடு ஏற்பட்டு பிரிந்துள்ளனர். இந்நிலையில், அப்பெண் மீது இருந்த ஆத்திரத்தில், அவர் குறித்தான வீடியோக்கள் மற்றும் ஆடியோக்களை ஆபாசமாக சித்தரித்த துர்க்கை ராஜ், அனைத்தையும் தனது யூடியூப் சேனலில் பதிவேற்றம் செய்திருக்கிறார். இதனைக்கண்டு அதிர்ச்சியடைந்த அப்பெண் போலீசில் புகாரளித்த நிலையில், மதுரையில் தலைமறைவாக இருந்த துர்க்கை ராஜை புதுச்சேரி சைபர் கிரைம் போலீசார் கைது செய்தனர். விசாரணையில், அவர் இதேபோல் 20க்கும் மேற்பட்ட பெண்களை கலங்கப்படுத்தி இருப்பது தெரியவர, துர்க்கை ராஜை நீதிமன்றத்தில் ஆஜர்படுத்திய போலீசார், அவரை காலாபட்டில் உள்ள மத்திய சிறையில் அடைத்திருக்கின்றனர்.