கதவை தாழிடாமல் தூங்கிய இளைஞர்கள்...செல்போன்களை எடுத்து கொண்டு பறந்த மர்ம நபர்

கோவை மாவட்டம் சூலூர் அருகே இளைஞர்கள் தங்கியுள்ள அறையில் அதிகாலையில் புகுந்த மர்ம நபர், செல்போன்கள் மற்றும் ஹெல்மெட்டை திருடிச் சென்றுள்ளார். தனியார் நிறுவனம் ஒன்றில் பணியாற்றும் பிரகாஷ், விகாஸ், ராகவன் ஆகியோர் தென்னம்பாளையத்தில் அறை வாடகை எடுத்து, தங்கியுள்ளனர். 3 பேரும் அறையை தாழிடாமல் தூங்கிய நிலையில், அதிகாலையில் வாக்கிங் செல்வதுபோல், குடியிருப்பு பகுதிக்குள் புகுந்த மர்ம நபர், செல்போன்களை திருடிச் சென்றுள்ளார். இந்த சம்பவம் தொடர்பான சிசிடிவி காட்சிகளின் அடிப்படையில் சூலூர் போலீசார் விசாரணை நடத்தி வருகின்றனர்.