வீட்டிற்குள் நுழைந்த இளைஞர்... ரத்த வெள்ளத்தில் துடிதுடித்த இளம்பெண்

கன்னியாகுமரி மாவட்டம் நித்திரை விளை அருகேயுள்ள மீனவ கிராமத்தில், திருமணமாகி இரு குழந்தைகளுக்கு தாயான பெண் ஒருவர், வீட்டில் தனியாக இருந்துள்ளார். அப்போது, அதே கிராமத்தை சேர்ந்த நிஷாந்த் என்ற இளைஞர் கஞ்சா போதையில் வீட்டிற்குள் நுழைந்த நிலையில், அவரிடம் பாலியல் ரீதியாக அத்துமீறலில் ஈடுபட்டது அதிர்ச்சியை ஏற்படுத்தியுள்ளது. பயத்தில் கத்தி கூச்சலிட்ட அப்பெண்ணை, இளைஞர் கத்தியால் கழுத்தை அறுத்து விட்டு தப்பியோடியது பரபரப்பை ஏற்படுத்திய நிலையில், பெண்ணை மீட்ட அக்கம்பக்கத்தினர் மருத்துவமனையில் அனுமதித்தனர். புகாரின் அடிப்படையில் சம்பவம் குறித்து வழக்குபதிவு செய்த போலீசார், தீவிர விசாரணை நடத்தி வந்த நிலையில், தப்பியோடிய இளைஞர் நிஷாந்த்தை கைது செய்து சிறையில் அடைத்தனர்.