"நீ எல்லாம் ஒரு போலீஸா" பேருந்தில் சில்மிஷம் செய்த காவலர்.. சுற்றி வளைத்த ஊர் மக்கள்.. வெளியான அதிர்ச்சி வீடியோ

திருச்சுழி அருகே சென்று கொண்டிருந்த பேருந்தில், காரியாபட்டி காவல் நிலையத்தில் பணிபுரியும் முதல் நிலை காவலர் பெரியதம்பி என்பவர், சீருடை அணிந்தபடி சித்திலக்குண்டு பேருந்து நிறுத்தத்தில் ஏறியுள்ளார். அப்போது பேருந்தில் பயணம் செய்த பெண்மணியிடம் அவர் சில்மிஷத்தில் ஈடுபட்டு தொந்தரவு செய்ததாக கூறப்படுகிறது. பின்னர் குலசேகரநல்லூர் பேருந்து நிறுத்தத்தில் இறங்கிய பெண், அங்கிருந்த தனது உறவினர்களிடம் நடந்ததைக் கூறியுள்ளார். சீருடையில் இருந்த காவலர் பெரியதம்பியிடம் உறவினர்கள் கேட்டபோது தகாத வார்த்தைகளால் பேசியதாக கூறப்படுகிறது. பின்னர் பொதுமக்கள் ஒன்றாக சேர்ந்து காவலரை சிறைபிடித்து வாக்குவாதத்தில் ஈடுபட்டனர். தகவல் அறிந்து வந்த போலீசார், முதல் நிலை காவலர் பெரியதம்பியை மீட்டு காவல் நிலையம் அழைத்து சென்றனர். இதுதொடர்பாக அளிக்கப்பட்ட புகாரின் பேரில், பெரியதம்பியை போலீசார் கைது செய்தனர்.