வீட்டில் தனியாக இருந்த மனைவிக்கு நேர்ந்த கொடுமை - பக்கத்து வீட்டார் கண்ட அதிர்ச்சி காட்சி

கணவன் வேலைக்கு சென்றதும் வீட்டில் தனியாக இருந்த மனைவிக்கு நேர்ந்த கொடுமை - பக்கத்து வீட்டார் கண்ட அதிர்ச்சி காட்சி

கள்ளக்குறிச்சி அருகே வீட்டில் தூங்கிக் கொண்டிருந்த பெண்ணை மர்ம நபர்கள் தாக்கி நகைகளை கொள்ளையடித்த சம்பவம் பரபரப்பை ஏற்படுத்தியது.

கள்ளக்குறிச்சி மாவட்டம் கச்சிராயப்பாளையம் அருகே தெங்கியநத்தம் கிராமத்தில் வசிக்கும் முனுசாமி இரவுப் பணிக்காக சர்க்கரை ஆலைக்கு சென்ற நிலையில், அவரது மனைவி பிரியங்கா தனியாக வீட்டில் தூ​ங்கிக் கொண்டிருந்தார். இந்நிலையில், மர்ம நபர்கள் வீடு புகுந்து பிரியங்காவை ஆயுதங்களால் தாக்கிவிட்டு, கழுத்தில் இருந்த செயின் உட்பட 8 சவரன் நகைகளை பறித்துச் சென்றனர்.

ரத்தக் காயங்களுடன் கிடந்த பிரியங்காவை அக்கம்பக்கத்தினர் மீட்டு அரசு மருத்துவமனைக்கு சிகிச்சைக்காக அனுப்பி வைத்தனர். சம்பவ இடத்தில் போலீசார் விசாரணை மேற்கொண்டு வருகின்றனர்.