"நான் எதற்கு உனக்கு பணம் தரணும்..!"சுங்கச்சாவடியை அடித்து நொறுக்கிய இளைஞர்கள்.. வெளியான சிசிடிவி..

திண்டுக்கல் மாவட்டம் நத்தம் தேசிய நெடுஞ்சாலையில், சுங்கக் கட்டணம் வசூலித்ததை கண்டித்து 10க்கும் மேற்பட்ட இளைஞர்கள், சுங்கச்சாவடியை அடித்து நொறுக்கும் சிசிடிவி வெளியாகி பரபரப்பை ஏற்படுத்தியுள்ளது. நத்தம் - மதுரை தேசிய நெடுஞ்சாலையில் உள்ள சுங்கச்சாவடியில் நடந்த இந்த சம்பவத்தில், வத்திப்பட்டி கிராமத்தை சேர்ந்த ஒருவரிடம் அவருடைய சரக்கு வாகனத்திற்கு ஊழியர்கள் கட்டணம் செலுத்த கோரியுள்ளனர். இதில் ஓட்டுநர் கட்டணம் செலுத்த மறுத்து வாக்குவாதத்தில் ஈடுபட்ட நிலையில், ஓட்டுநரின் மகன் மற்றும் அவரது நண்பர்கள் சுங்கச்சாவடியை அடித்து நொறுக்கி தகராறு செய்தது பரபரப்பை ஏற்படுத்தியது.