"யார் சொன்னார்களோ, அவங்க தான் முற்றுப்புள்ளி வைக்கணும்.." - விஷால் பரபரப்பு பேட்டி

நீட் தேர்வை ரத்து செய்வேன் என கூறியவர்கள் தான், அதற்கு முற்றுப்புள்ளி வைக்க வேண்டுமென, நடிகர் விஷால் கூறியுள்ளார். தனது பிறந்தநாளையொட்டி, கோயம்பேடு மார்க்கெட்டில் பணியாற்றும் 500க்கும் மேற்பட்ட கூலி தொழிலாளர்களுக்கு, நடிகர் விஷால் நலத்திட்ட உதவிகளையும், அன்னாதனமும் வழங்கினார். முன்னதாக அவர் கேக் வெட்டி, தனது பிறந்தநாளை கூலி தொழிலாளர்களோடு கொண்டாடினார். பின்னர் செய்தியாளர்களை சந்தித்த விஷால், பள்ளி மாணவர்களிடையே போதைப்பொருள் பயன்பாட்டை தடுக்க ஆசிரியர்கள், கவுன்சிலர்கள், எம்.எல்.ஏக்கள் என அனைவரும், கண்காணிப்பில் ஈடுபட வேண்டுமெனவும் கூறினார்.