"நாங்க இந்து சேனா... பணம் கேட்ட தரமாட்டிய..? " - கல்லூரிக்குள் புகுந்து டொனேஷன் கும்பல் அட்ராசிட்டி

கன்னியாகுமரி மாவட்டம் நாகர்கோயிலில் கிறிஸ்துவ பேராலயத்தால் இயங்கி வரும் கல்லூரியில், விநாயக சதுர்த்திக்கு நன்கொடை கேட்டு தகராறில் ஈடுபட்ட இந்து சேனா நிர்வாகியை போலீசார் கைது செய்தனர்.

நாகர்கோயில், வடசேரி பகுதியில் தனியார் பாலிடெக்னிக் கல்லூரி ஒன்று கிறிஸ்துவ பேராலயத்தால் நிர்வகிக்கப்பட்டு வருகிறது. இங்கு மாருதி காரில் வந்திறங்கிய இந்து சேனா நிர்வாகிகள் மூன்று பேர், விநாயக சதுர்த்திக்கு நன்கொடை கேட்டிருக்கின்றனர்.திடீரென மூவர் கல்லூரியினுள் நுழைந்து நன்கொடை கேட்டதால் குழம்பி போன நிர்வாகம், பணம் தர மறுத்த நிலையில் இரு தரப்பினருக்குமிடையே வாக்குவாதம் ஏற்பட்டது. இந்த வீடியோ இணையத்தில் வெளியாகி பரவி வரும் நிலையில், கல்லூரியினுள் அத்துமீறி நுழைந்து தகராறு செய்ததாக மூவர் மீதும் வழக்குபதிவு செய்த போலீசார், பிரதீஷ் என்பவரை கைது செய்த நிலையில், தலைமறைவாக உள்ள மற்ற இருவரை தேடி வருகின்றனர்.