பெட் கட்டி பெண்ணிடம் அத்துமீறல்.. தர்மஅடி கொடுத்த மக்கள்.. சென்னையில் அதிர்ச்சி

அம்பத்தூர் அருகே பெட் கட்டி பெண்ணிடம் தவறாக நடக்க முயன்ற நபருக்கு தர்ம அடி கொடுத்து காவல் நிலையத்தில் ஒப்படைத்த பொதுமக்கள்.

சென்னை அடுத்த அம்பத்தூர் கள்ளிக்குப்பம் பகுதியில் ஒரு வீட்டினுள் புகுந்த மர்ம நபர் ஒருவர் பெண்களிடம் தவறாக நடக்க முயன்றுள்ளார்.

இதில் அதிர்ச்சியடைந்த அப்பெண் கூச்சலிடவே அக்கம்பக்கத்தினர் ஓடி வந்து தவறாக நடக்க முயன்ற மர்ம நபரை பிடித்து சரமாரியாக தாக்கி உள்ளனர்.

மேலும் நீ யார் எதற்கு வந்தாய் என கேட்டதற்கு தனது நண்பர்கள் குறிப்பிட்ட ஒரு பெண்ணை தொட முடியுமா என சவால் விட்டதாகவும்,நான் அதை செய்து காட்டுவேன் எனவும் பெட் கட்டி வந்ததை கூறுகிறான்,

மேலும் இவ்வாறு செய்ய தூண்டிய நபர்கள் யார் என கேட்கும் பொதுமக்களுக்கு என் தலையை அருத்தாலும் சொல்லமாட்டேன் என கூறும் மர்ம நபரை அப்பகுதி மக்கள் அம்பத்தூர் காவல்துறையினரிடம் ஒப்படைத்தார்.

இதுகுறித்து வழக்கு பதிவு செய்த காவலர்கள் இவர் யார்?என்பது குறித்து விசாரணை மேற்கொண்டு வருகின்றனர். மர்ம நபரின் வீடியோ சமூக வலைத்தளங்களில் வேகமாக பரவி வருகிறது.