மாநாட்டில் கேட்ட அலறல் சத்தம் - பார்த்தாலே பதறவிடும் காட்சி

விஜய் மாநாட்டிற்கு சென்று திரும்பிய சென்னையை சேர்த்தவர்கள், புதுவையில் மீனவர்களுடன் மோதலில் ஈடுபட்டனர். சென்னையை சேர்ந்த 15 பேர் 3 கார்களில் விக்கிரவாண்டி மாநாட்டிற்கு சென்றுவிட்டு, ஊர் திரும்பினர். வழியில் புதுச்சேரி வம்பாகீரப்பாளையம் மீனவ பகுதியில் அவர்களது கார், சக்திவேல் என்பவரது பைக் மீது உரசியபடி சென்றதாக தெரிகிறது. இதனை சக்திவேல் மற்றும் அதே பகுதியை சேர்ந்த வடிவேல் ஆகியோர் தட்டி கேட்டுள்ளனர். அப்போது காரில் வந்தவர்கள் வாக்குவாதத்தில் ஈடுபட்டு தாக்கியதாக கூறப்படுகிறது. தாக்குதலில் காயமடைந்த மீனவர்கள் மருத்துவமனையில் அனுமதிக்கப்பட்டுள்ள நிலையில், போலீசார் விசாரித்து வருகின்றனர்.

தமிழக வெற்றிக்கழக மாநாட்டில், கூட்டநெரிசலில் சிக்கி பாதிக்கப்பட்ட பெண், ஆம்புலன்ஸ் மூலம் மருத்துவமனைக்கு அனுப்பிவைக்கப்பட்டார். கூட்ட நெரிசலை கட்டுப்படுத்தும் வகையில், காவல்துறையினர் லேசான தடியடி நடத்தினர். அப்போது சில பெண்கள் அச்சத்துடன் ஓடினர். இதில் ஒரு பெண் கீழே விழுந்ததில் மூச்சுத்திணறல் ஏற்பட்டது. இதையடுத்து அவரை போலீசார் ஆம்புலன்ஸ் மூலம் மருத்துவமனைக்கு அனுப்பி வைத்தனர்.