விஜய்யின் அடுத்த பிளான்.. வெளியான சர்ப்ரைஸ் தகவல் | TVK Vijay

தமிழக வெற்றி கழக முதல் மாநில மாநாட்டை சிறப்பாக ஒருங்கிணைத்த அனைவருக்கும் கட்சி தலைவர் விஜய் வாழ்த்து தெரிவித்துள்ளார். கட்சி மாநாடு குறித்து நிர்வாகிகளிடம் பேசிய விஜய், ஒரு சில இடங்களில் குறைபாடுகள் இருந்தாலும் மாநாட்டுப் பணிகள் நிர்வாக குழு, நிதி குழு மற்றும் சட்ட ஆலோசனைக் குழு என மாநாட்டிற்கு அமைக்கப்பட்ட ஒருங்கிணைப்பு குழுக்களின் செயல்பாடு சிறப்பாக இருந்தது என கூறியதாக தகவல் வெளியாகி உள்ளது. தமிழக வெற்றிக் கழக மாநாடு வெற்றி பெற பாடுபட்ட அனைவருக்கும் நன்றி தெரிவித்ததாகவும், விரைவில் பனையூர் அலுவலகத்தில் நிர்வாகிகளை சந்திக்க இருப்பதாகவும் தகவல் வெளியாகி உள்ளது. கடும் வெயிலிலும் இடைவிடாது வருகை தந்த லட்சக்கணக்கான மக்களுக்கு தொடர்ந்து குடிநீர் வினியோகம் செய்த மாநாட்டு குழுவினர் பணிகள் மிகவும் திருப்திகரமாக இருந்தாக தலைமை நிர்வாகிகளிடம் விஜய் பாராட்டியதாக தெரிகிறது.